و تستمر الحياة

العنوان ده كتبته من اول ما بدات التدوين

لكن كل مرة ابتدي اكتب فيه اخاف و اكتب في حاجة تانية او ما اكتبش خالص

و كل مرة والدي يكلمني في هذا المعنى ازعل و احاول اغير الموضوع او اتشاغل او اي حاجة

لكن مهما كانت الحقيقة دي مؤلمة الا انها هتفضل هي الحقيقة اي كانت قساوتها

اشخاص كثير كنا فاكرين ان الحياة ما تستمرش من غيرهم

و ناس تانية كانوا هم نفسهم فاكرين ان الحياة هتوقف بغيابهم

لكن هتفضل الحقيقة القاسية على الكل

ان الحياة لا تقف لأحد كائن من كان

ناس احسن من جدتي رحمها الله توفوا و لم تقف لهم الحياة

ده الرسول نفسه صلى الله عليه و سلم لما توفى لم تقف الحياة و لا الدعوة

و كثير من كبار الصحابة اصيبوا بالذهول او بالصدمة

لكن اقرب الناس اليه صلى الله عليه و سلم ابو بكر رضي الله عنه

كان اول من ادرك هذا المعنى

و ناس يمكن احسن من والدي اعتقلوا و لم تقف لهم الحياة و لم تقف لهم الدعوة

فهي لم و لن تقف تنتظر احدا يبكي

لا يستطيع احد ان ينكر اختلال حياته بعد اعتقال ابيه

او ينكر اختلال دولاب العمل بعض الوقت في الاخوان

لا يستطيع احد ان ينكر علي اذا بكيت فراق ابي و حرماني منه

لا يستطيع احد ان ينكر علي شعوري بمرارة الظلم تملئني

لا يستطيع احد ان ينكر على هديل بنت اختي و هي تبكي و تقول لي ” مش عايزة جدو يروح السجن”

لكن علينا ان نلحق بقطار الحياة بالرغم من المنا و مشاعرنا

Advertisements

9 تعليقات to “و تستمر الحياة”

  1. naglaa m s Says:

    ربنا يصبركم وفعلا الحياة لاتقف ولكن يمكن ان نحاول ان نوقفها بفشل طبعا ولكن الصبر هو بصيص الامل الدموع يمكن ان تكون جسر للامل ولكن لاتجعلها جسر للياس
    وبشر الصابرين
    وكل عام وانت بخير
    مدونة علي فكرة جميلة

  2. abdelaziz el sonny Says:

    يا رب يثبتك و يثبتنا على طاعته و الصبر عا البلاء

    و يا رب يهون علينا الايام الصعبة

    و يصبرك عا الابتلاء

    و يفك كرب الجميع

    اامين يا رب العالميين

    و يا ريت تذكرنا داءما بهذه المدونات لان الواحد سعات بينسا حاله

  3. ayaneeq Says:

    وتستمر الحياة ..
    وندوس على الوجع الذي يبكينا ..
    وينخر بقايا الأمال ..

    على الرغم من ذلك .. تبقى معية الله معنا ..
    نراها في تقلباتنا ..
    وفي كل أشراقة صباح ..
    أسال الله أن يفرج همك ووالدك .. وأن يفرج عنه ويوسع عليه .. آمين

  4. m hamza Says:

    انا سعيد جدا بالكلام البسمعه منك ده يا عبد الله

    في الحقيقة انا كان بيجيلي الاحساس كل لما اتعثر في الدنيا او في اي حاجه واقف مستني افرج بس اكتشفت فعلا ان قطار الحياة ماشي ومحتاج اننا نلحقه

    وافكرك بكلام الدكتور حسين لما كان يقول ان الدينا والعالم بيمشوا بسرعة جدا واحنا لازم نلحقهم

    مينفعش الواحد يقعد يندب ويبكي على حاجه راحت وولت وكمان الدكتور راغب كان في مقدة الاندلش بيقول ان احان مش بنحكي القصص ديه علشان نبكي على اللبن المسكوب (حضارة الاندلس) لأ احنا بنحكي الكلام علشان نتعلم

    الحقيقة احنا محتاجين نفوق من نومتنا (المسلمين)ونحاول نساير العالم فيما يعمل

    ربنا يفرج همك وهم جميع اخوننا المعتقلين

  5. M Kalyouby Says:

    والله يا عبد الله كلامك خنق العبرات في مقلتي ، وثبت الصبر في قلبي ، واني كنت أبحث عن كلام جديد اواسيكم به ، ثبتكم الله ، وثبت جميع الأسري ، وعجل الفرج بفك أسرهم ، واثابكم جميعا وعظم لكم الأجر .

  6. Ali Says:

    السلام عليكم ورحمة الله وبركاته ..
    همة ثلاث حاجات بشكل عام عايز اقولهم لك يا عبدالله ..
    اولا : والدك هناك بيدفع ثمن عمل يفترض انه دائر بره السجن فالواجب انك تخليه بيدفع ثمن شئ يستاهل ومتضيعهوش هدر.
    ثانيا: ان شاء الله لما ربنا يرزقك بالزواج والاولاد هتعرف لاي درجة صعب جدا عليك انك تبعد عنهم .. اصعب بكتيييير من احساسهم هم انهم مش معاك .. المقصود .. انك مهما كنت مشتاق له و صعبان عليك غيابه صدقني هو حالته اشد منك 100 مرة .. واكتر اكتر اكتر حاجة بيتمناها انه يلاقيك صابر ومحتسب .. وانك ان شاء الله زي ما بيقولوا ولد جدر .. دي الحاجة الوحيدة اللي تهون عليه محنته.
    ثلاثا : انت دلوقتي تارك مع العالم دول بقى تار شخصي وانت عارف( زي ما اتعلمنا) ناخد تارنا منهم ازاي .
    السلام عليكم ورحمة الله

  7. أى حد Says:

    نعم …بالرغم من كل شئ
    تستمر الحياة !

    • abdollah Says:

      يااااه
      بجد جزاكم الله خيرا
      تصدق اني كنت محتاج أقرا التدوينة دي
      رغم اني انا اللي كاتبها
      بس كنت محتاج المعنى ده دلوقتي

      و المدونة فعلا كانت وحشاني و نفسي ارجع ادون تاني

      و حلو قوي الاسم اللي انت حاطه ده
      أي حد
      🙂
      هتفرق في ايه الاسامي
      اي حد
      واحد من الناس
      شاكر مرورك الكريم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: