حساسية

لا مش اللي بتخلي الواحد يصاب بعطس او حكة

 اقصد الحساسية من الاحساس العالي

اخر مرة كنت مع والدي في المستشفى و دخل علشان يعمل الرنين المغناطيسي

rad_pic_san.jpg

طبعا الجهاز حاجة شبه اللي موجود في الصورة بس اللي في المستشفى الجامعي اقدم منه و الفتحة اللي بتدخل فيها بجسمك اضيق من كده

و قعد وقت طويل جوه لان كان بيعمل اشعة على فقرة فقرة

انا كنت دخلت مرة من زمان في واحد من الاجهزة دي بس كان في دقائق و كان بيعمل اشعة على المخ بعد حادثة حصلتلي زمان

المهم بابا خرج من غرفة الاشعة ووشه مقلوب و شكله غريب حتى اني افتكرت ان ضهره وجعه من طول المدة

المهم رجع بابا السجن و انا روحت بعديها باكتر من اسبوع كنت قاعد مع والدي في الزيارة و عرفت سر القلبة اللي حصلت بعد ما خرج من الاشعة

بيقولي انه قعد ما يقرب من 45 دقيقة قي الجهاز ده الفتحة ضيقة جدا بحيث اني ايدي لازم تبقى طول الوقت مفرودة على جنبي ما اقدرش حتى اتنيها و سقف الانبوبة قريب جدا من وشي بحيث اني لو رفعت وشي حاجة بسيطة مناخيري تخبط فيه

المشكلة ان ده فكره بالقبر و الموت و اذا كان هو مستعد و لا لا

انا كنت دخلت الانبوبة دي و ما حستش بحاجة من اللي والدي بيحكي عليها

هي دي الحساسية اللي بحكي عنها

الحساسية اللي تخلي واحد بيتوضى بمية سخنة يتلسع يستعيذ بالله من حميم جهنم

اللي تخلي واحد يشوف منظر جميل يحبس انفاسه يتسائل اذا كان ده في الدنيا  يبقى الجنة هتبقى عاملة ازاي اذا كان اقل واحد فيها بياخد  اضعاف اكبر ملك من ملوك الدنيا

 و لما يدوق اكلة حلوة يدعي ربنا انه يرزقه من طعام اهل الجنة اللي في كل قطمة منه 70 طعم مختلف

هي دي الحساسية

حساسية المؤمن اللي قلبه مش محتاج يشوف حد بيموت او هو نفسه تجراله مصيبة علشان يفتكر ربه

مرتبط بالاخرة بحيث ان اصغر حدث في حياته بيفكره بالاخرة

Advertisements

الأوسمة:

5 تعليقات to “حساسية”

  1. Yousef El-Sharkawy Says:

    Jazak Allah Khayran

  2. amr salah Says:

    بس كل واحد وشخصيته . يعني في ناس حساسة وعندها دم …. وبتحس مش بس بالمعاني الاخروية . لا ده حتى في الحياة الدنيوية والمعاملات مع الناس ..
    جزاك الله خيرا يا عبده ………….. وربنا يفك اسر ابوك بقه علشان انا اتخنقت ورحت النهارده

    كنت حاسس بقرف شديد من المنظر ولما سمعت المحامي وهو قاعد يقول ان ما فيش مادة في القانون تخلي واحد مدني يتحاكم عسكري الا لو هو عمل مثلا مشكلة في منطقه عسكرية او هو عسكري وعمل مشكلة … فا حاجة تقرف بجد يعني قله ادب وما فيش حاجة صح…. يلا بقه مش مشكلة …

  3. غير معروف Says:

    كل ما يخرج من غيبوبة يدخل فى التانية… جملة قلتها من يومين لواحد صحبى عن واحد شوفته فى المسشفى.. و بعد ما قلتها فكرت.. يمكن دا يكون من افعاله مثلا.. يعنى كان فى شبابه بيعمل معاصى و يتوب و يسيبها و بعدين يدخل فى معصية جديدة.. و هنا التلازم اللى جه فى دماغى ان المعصية هيا مجرد غيبوبة بيكون فيها الانسان مغيب العقل.. انا عارف ان الكلام دا مش مكانه بس الى جه فى دماغى… موضوع الحساسية

  4. جزء مني .. في قبري .. « أيـانِق Says:

    […] سبقني الى قبري .. هذا هو ماشعرت به .. هل لأنني قرات موضوع حساسية الذي قفز فورا الى رأسي وأنا أهيل التراب عليه .. أم لأن […]

  5. Moslima Says:

    السلام عليكم أخى
    أسفة على الرد المتأخر ولكن بالصدفة سبحان الله قادتنى الصور التى وضعتها على ال facebook
    إلى مدونة حضرتك وهذا الموضوع بالذات لفت نظرى ..
    لأنه فقط أمس ذكرتنى أخت قول للإمام البنا الذى يقول فيه : (أحنا هنا علشان هناك)
    وعندما قرأت ردة فعل والدك الكريم…أيقنت أنها سمة للصالحين جميعا ودرجة يعرفها كل من وصل منزلتهم ..جعلنا الله منهم إن شاء الله

    جزاك الله خيرا
    والسلام عليكم ورحمة الله وبركاته

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: