اصابة والدي بانزلاق غضروفي شديد و تعنت في علاجه

n602212412_346687_63322.jpg

 

صورة لوالدي في البيت قبل الاعتقال

في حاجة بس الاول عايز اشرحها
ان في المحكمة العسكرية ممنوع دخول الموبايل و الكاميرا
بس لما بنخش بنلاقي في واحد بيصور فيديو تبع المحكمة
واضح ان التسجيل ده بيتعرض على كذا جهة
واكيد منها امن الدولة

قرف

الكلمة دي هي باختصار الحالة اللي احنا بنتعامل معاها في محاولات لعلاج والدي
اللي شخص حالة والدي اطباء كانوا بيجوا معانا الزيارة
جزاهم الله خير
يعني مش ادارة السجن اللي جابينهم

 

بس كانوا بيطلبوا فحوصات و اشعة علشان يتاكدوا و يبتدوا يعالجوا على اساسها
و مش عايزين يبتدوا يوصفوا علاج الا لما تتعمل الفحوصات
و الفحوصات دي لازم تبقى في مستشفي
مش على كرسي في مكان الزيارة
المهم بعد مناوشات و حوارات كثيرة
لما القاضي العسكري سمح ل 9 بتحويلهم لمستشفى المنيل الجامعي
المفروض ادارة القضاء العسكري تبعت فاكس لادارة السجن فيه التصريح ده
بس الفاكس اللي وصل لادارة السجن كان مكتوب فيه
يتم عرضهم اولا على مستشفى السجن و طبيب السجن يحولهم لمستشفى المنيل

و مستشفى السجن دي بالمناسبة ما فهاش اي حاجة
لدرجة ان لما دكتور بيجي الزيارة ممكن يجوا يستلفوا منه جهاز الضغط
المهم المفروض بعد الفاكس ده بيجي امر الترحيلة من امن الدولة
لان امن الدولة هم فعليا اصحاب الامر و النهي في السجن
او في كل حاجة في مصرالمهم جت الترحيلة مباشرة علشان تطلع 5 من التسعة لمستشفى المنيل اللي القاضي امر بتحويلهم لمستشفى المنيل
و ده عكس الفاكس اللي جه من ادراة القضاء العسكري
بس واضح ان امن الدولة لما اتفرجوا على الشريط لقوا القاضي بيقول تحويلهم لمستشفى المنيل راحوا بعتو الترحيلة على طول
بس كانوا النفروض الترحيلة تيجي يوم الثلاثاء بعتوها الاربعاء
و كان والدي منهم

و رغم انهم طلبوا اكثر من مرة ان يتم نقلهم في عربية اسعاف او عربية مجهزة

راحوا المستشفى في عربية الترحيلات المقرفة اللي سببت اصلا لمعظم الناس المتاعب اللي في ضهرهم
راحوا المستشفى لقوا ان عيادة العظام شغالة كل ايام الاسبوع ما عدا الاربعاء و الخميس
فما كانش في حد
و رجع والدي من المشوار اكثر تعبا على الفاضي
و الغريب بقى ان ترحيلة الخميس جت برضه
رغم معرفتهم ان عيادة العظام قافلة
المهم والدي خرج في يوم ثاني بعد كده و راح المستشفى و اللاستشاري اللي كان هناك كان محترم جدا
و كشف على والدي كويس رغم الزحمة اللي كانت هناك
و قال لوالدي ان دي حاجة سيئة جدا انهم ينقولك في عربية الترحيلات
المهم كتبله على رنين مغناطيسي تاني يوم
و تاني يوم ده كان في جلسة
اللي هي الجلسة اللي عمو فتحي اصيب فيها بازمة قلبية
و اللي القاضي اصر ان كل الناس تخرج فيها
و تجاهل كل التحذيرات الطبية
و ما قعدش غير والدي علشان كان المفروض عنده ترحيلة و المهندس ايمن
المهم رحنا المستشفى علشان نقابل بابا هناك بس ما جاش
و جرينا على السجن علشان نلحق الزيارة
عرفت ان الفاكس بتاع امن الدولة ما وصلش لادارة السجن فما خرجش

 

اخر مرة بابا كان المفروض يخرج للرنين
بابا خرج بس ادراة السجون قالت تاخد كل اللي عايزين يروحوا المستشفى فقعدوا يلفوا على سجون المنطقة عقبال ما خلصوا و راحوا كانت عيادة الرنين قفلت
مش قلتكم قرف

المشكلة ان انا لما بروح الزيارة

ببقى نفسي اقعد مع والدي اطول وقت

بس عارف انه تعبان و عايزه يدخل يستريح

ما ابقاش عارف اعمل ايه
حسبي الله و نعم الوكيل

Advertisements

14 تعليق to “اصابة والدي بانزلاق غضروفي شديد و تعنت في علاجه”

  1. وضاح Says:

    حسبنا الله ونعم الوكيل
    شفا الله والدك
    وفك الله أسرهم جميعا

    أعانكم الله

  2. OmarF Says:

    لا حول ولا قوة إلا بالله
    اللهم إنا نسألك باسمك الأعظم الذي إذا دعيت به أجت وإذا سئلت به أعطيت أن تفرج عن عبدك صادق الذي ابتلي في سبيلك اللهم اشفه شفاء لايغادر سقما
    اللهم اجعل هذا رفعا لدرجاتة وتكفيرا لسيئاته
    اللهم كل من ولي أمرا من أمور المسلمين فشق عليهم فاشقق عليه

  3. Ahmed Huwait Says:

    أسـل الله العظيم رب العرش العظيم أن يشفي والدنا الاستاذ صادق
    حسبنا الله ونعم الوكيل

  4. أبو نضال Says:

    حسبنا الله و نعم الوكيل

    اللهم عجل بشفاء أخونا صادق و كل مريض يا رب العالمين

  5. احمد مصطفى عادل Says:

    ياااااااااااارب اشفي والدي عمو صادق شفاء لا يغادر سقما

    ومعلش يا عبدو انا عارف ني وحش اوي ومبسألش بس ادعيلي علشن عندي امتحانات

  6. saad alshater Says:

    يارب انتقم من الظالمين
    ومن اعوانهم وكل من له يد في هذا الظلم

  7. Yasser Mamdouh Says:

    ( en ALLAH eza 2a7ab 3abdan 2ebtlah )
    2a5eeran 3ereft wa7ed rabena bey7eboo
    shafak allah wa3afak ya3amoo sadek
    3abdallah law masalemtleesh 3aleeh bel 2esm
    haz3al gedan 2olloh yasser bey7ebak

  8. Mr x Says:

    و لا تحسبن الله غافلا عما يعمل الظالمون
    فلنشغل أنفسنا بالعمل و الله من ورائهم محيط
    و حسبنا الله و نعم الوكيل

  9. Amr Says:

    السلام عليكم ورحمة الله وبركاته ,بص يا عبد الله يا بخت والدك كل ده ابتلاء وهو صابر عليه علشان حب الله سبحانه وتعالى ليه ان شاء الله وعايز أفكرك بقصة سيدنا داود
    وغير كده حط في حسابك انك تأجر وهم يأثموا والله انشاء ينصرك في الاخر

  10. اسماء العريان Says:

    السلام عليكم

    اعانكم الله على ما بلاكم وقواكم على مرض والدكم وشفاه الله وعفاه

    اسال الله العظيم رب العرش العظيم ان يشفيه

    بس اذكرك بالصبر لتكن المنزلة اعلى واعظم

    وسلامنا لعمو صادق والعائلة الكريمة

  11. أبوالخير Says:

    اللهم يارب العالمين … يارب المستضعفين … إغفر لوالدنا الأساذ صادق … وثبته وأعنه في محنته … واخلفه في أهله … وانتقم من الظلمة المتجبرين

  12. Abdul Rahman M Samy Says:

    الله يهون عليكم و يفرجها
    يارب آمين
    كان الله في عونكم

    الصبر الصبر يا حبيبي يا عبد الله ..فالفرج قريب

  13. Bilal Omar Says:

    Inshallah kolo fee mezan 7asanatoo
    El ganna mesh re7’eesa ya Abdullah
    We rabina yesabarak enta we ahlak we waldak isA

  14. رحاب Says:

    الله يشفيك ويعافيك ياعمو صادق ويردك سالما غانما لخالتي واولاد خالتي ويقر اعينهم بك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: