ايام في الظلام

 

575he1.png

وحشتوني قوي

 

التليفون بقاله حوالي اسبوع و نص بايظ لان كان في كابلات اتسرقت قطعت التليفونات عن المنطقة

 

في حاجات كثير عايز احكي عنها

 

عايز احكي عن حالة والدي الصحية

 

و عايز احكي عن فرح الاخ اللي اعتقل قبل فرحه ب3 ايام و خرج ليلة الفرح

 

و المجرمين بتوع امن الدولة قلوا ادبهم عليه بشكل مؤسف

 

و عايز احكي عن انه بعد انقطاع التليفون الكهرباء قطعت

 

و تجربة العيشة في الظلام

 الكهرباء قطعت لمدة 3 ايام

طبعا كانت مشكلة كبيرة

مفيش تلاجة  و لا مذكارة بالليل و لا دش اتابع عليه الاخبار

و لا عارف اغسل و لا اكوي

و كان عندي شغل كوميبوتر كتير متعطل

و حسيت بنعمة ربنا علينا

و دعيت ربنا يخفف عن اخوانا في غزة اللي كل شوية حياتهم مهددة بسبب قطع الكهرباء مش عن بيت و لا حي ده قطاع بحاله

بمدارسه بمستشفياته بكل حاجة

بس حقيقي كانت تجربة غريبة جدا

لما يجي الليل و تلاقي مفيش نور

كنت بلاقي في الظلام ده نوع من الهدوء

حتى قبل ما اجيب الشمع

لاني ما جبتش شمع غير في اليوم الثالث

و الشمع برضه بيحسسك نوع غريب من الحميمية

ليل حقيقي مش مزيف شغال في نور طول ما انت صاحي

ليل فيه السكن اللي ربنا بيقول عنه

“فالق الاصباح و جعل الليل سكنا و الشمس و القمر حسبانا”

“هو الذي جعل لكم الليل لتسكنوا فيه والنهار مبصرا ان في ذلك لايات لقوم يسمعون”

هو ده الليل اللي بيقولو عنه ان الدين ذل بالنهار هم بالليل

ليل يثير همومك

ليل بيخاف اصحاب الضمائر المثقلة بالاخطاء

ليل بيحبه العشاق

ليل بيشتاقله العباد

تلاقيهم في النهار في شغلهم او كلياتهم او مع الناس

  و بينتظروا نهاية اليوم بفارغ الصبر

علشان يعرفوا يختلوا بربهم

ناس بيحبوا ربنا و ربنا بيحبهم

بيتكلموا عن ربنا و ربنا عزو جل بيكلم الملأ الاعلى عنهم

حتى اذا جاء الليل و خلى كل حبيب بحبيبه

و اوى كل اليف الى اليفه

نصبوا الى الله اقدامهم و فرشوا للله جباههم

يتملقون الى الله بكلامه

و يسالون ربهم بانعامه

حتى اذا اصبح الصبح ترى في وجوههم  نور من نور الله عز و جل

حتى حسيت ان صلاة الفجر لها روحانية خاصة لانها في نهاية الليل

لدرجة ان اول ليلة الكهرباء رجعت فيها كنت ساعتها في البيت لوحدي طفيت الانوار

و قعدت كده شوية في هذه الحالة من التامل

 طبعا الحمد لله ان الكهرباء رجعت لان ميبنفعش اتابع حياتي من غير كهرباء

 و كان صعب اكمل تدوين من غير كهرباء و تليفون

 

Advertisements

2 تعليقان to “ايام في الظلام”

  1. amr salah Says:

    ربنا ييسر لك احوالك يا عبده
    والله يا عبد الله احنا ناسيين نعمه التفكر وناسيين نعم كثيرة يمكن علشان الواحد مش بيجيب ورقة وقلم ويعدهم واحده واحده … بس الشاطر الي يتعلم من اخطاء غيره ..
    يعني نحمد ربنا على الي احنا فيه وكل واحد يشوف النعمه الي ربنا ادها له
    المشكلة اننا بنشوف النعم الي مع الناس ونفسنا فيها ومش شايفين النعم الي معانا … يعني الي ربنا ادى له ولد كويس ولا زوجة مؤدبه ومحترمه ولا شغل في مكان مستقر
    لا احنا نشوف ان ده معاه فلوس فا نقول ليه اشمعنا هو … يا اخي شوف انت ربنا مديك ايه ..

  2. أمير القلوب Says:

    السلام عليكم ورحمة الله وبركاته
    أخي الكريم:عبدالله
    فك الله أسر والدك الكريم وباقي إخواننا الإعزاء وردهم إلى بيوتهم سالمين غانمين
    بجد أنا مش عارف أقولك إيه لأنك وصفت كل الأحاسيس اللي بتكون جوايا في ظلام الليل لأن الليل ده ليه سحره الخاص
    بس ما حدش بيحس بالشعور ده إلا أصحاب المشاعر الرقيقة
    تقبل تحياتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: