بكيت من غير ما ادعي

لالا ده مش رياء و لا نفاق و لا حاجة لاني بكيت شفقة مش خشوع او ندم

اكثر من مرة اروح المحكمة العسكرية و ارفع ايدي بعد ما نصلي الضهر و مقدرش اامن على اغلب الدعاء

بالذات دعاء الدكتور امير بسام انا بعيط صحيح بس مش من خشوعي لا من اشفاقي على الناس اللي بندعي عليهم

بيقعد يدعي دعاء شديد قوي

يقول اللهم احرق قلوب اعز من لديهم عليهم و احرق قلوبهم على اعز من لديهم

و يقول اللهم ابتليهم بداء بلا دواء و مرض بلا شفاء و ابتليهم بامراض لم تكن في اسلافهم

و يقول اللهم كما فرقوا بيننا و بين ابنائنا فرق بينهم و بين ابنائهم

انا مش بقدر اامن على الادعية دي بسكت و بعيط لانهم بيصعبوا علي

انا منكرش انهم مشتركين في الاثم

كلهم من اول اللي قاعد يتصنت علينا و يشوف احنا هنوزع كام شنطة رمضان و لا هنحفظ الاطفال اي جزء من القران

للضابط اللي اعتقل ابائنا الى اللي بيصدر الاوامر

ربنا بيقول: “ان فرعون و هامان و جنودهما كانو خاطئيين” بس انا مشفق عليهم من الدعوات دي

و النبي صلى الله عليه و سلم في مواقف اشد من دي رفض يدعي على قومه

و المرات اللي دعا فيها على ناس في السيرة محدودة على حد علمي

لكن كان بيغلب عليه الشفقة و الرحمة بيهم

انا مش هيفرحني موت عاطف الحسيني على هذا الظلم قد ما هيفرحني لو تاب الى الله و رجع عن اللي بيعمله

و مش بعيدة على ربنا

و ما تنسوش الصحابي اللي قال : لو اسلم حمار الخطاب ما اسلم عمر بن الخطاب

من شدة ايذائه و محاربته للنبي و الصحابة

و حتى لو ما تابش انا محبش ان اولاده يتعرضوا للي انا اتعرضتله زي ما عمو امير بسام بيدعي

و على العموم دي مدارس و انا مقدرش انكر على حد دعائه لاننا بندعي رب عادل و مجيب

لكن انا بشفق على ناس المفروض انهم قومنا و مننا حتى لو اذونا

بشفق عليهم من دعوة مظلوم ليس بينها و بين الله حجاب و من اناس نحسبهم صالحين و في ايام مباركات

Advertisements

4 تعليقات to “بكيت من غير ما ادعي”

  1. aya Says:

    أول مرة أزور مدونة حضرتك

    بس عجبتني جدا يمكن لصدق احساسها

    جميل أن حضرتك أشفقت عليهم

    أنا المرة اللي حضرت فيها المحكمة وسمعت الدعاء عليهم

    حسيت :

    ياربي دول بيدعى عليهم دعاء لو سمعوه هيتزلزلوا

    صعب عليا ابناءهم وزوجاتهم اللي دعوا أنهم يفارقوهم

    بس صعب عليا أبناء وزوجات المعتقلين

    بس أنتا قلتها :

    ربنا عادل

    وبيحاسب كل واحد على قدر عمله

    مرة تانية بسجل اعجابي بصدق المشاعر الموجودة

  2. أى حد Says:

    انه فضل …… أحمد الله عليه
    مُقسم على الخلائق بنسب
    وحمدا لله أن حظك جاء بجزء وفير ..

    ثبت الله قلبك وزاده لينا ورحمة

  3. سارة علاء Says:

    أنا بحسد حضرتك على نقاء نفسك ورفعة مشاعرك بس فعلا يمكن احنا محتاجين للتسامح ده حضرتك اللى صح واحنا كلنا اللى غلط . ربنا يهديهد كلهم ويسامحهم ويرحمنا احنا
    سلام عليكم ورحمة الله وبركاته

  4. غير معروف Says:

    موضوعك ده وجعني أوووووي دلوقتي و أنا متفقة معاك تمامااا في الموضوع ده ..
    الناس دي أمتنا وكده بندعي عليهم ولو دعينا ليهم وربنا استجاب هيبقى خير لينا وليهم وللاسلام وكتير سألت نفسي لو الرسول عليه الصلاه والسلام معانا وسألناه عن رأيه في دعائنا على ناس من أمته ؟!
    والله انا خايفه نتحاسب عليهم …
    وأكيد عمو أمير والمؤمنيين على دعائه ده برده احساسهم بس كانوا موجوعيين شوية زيادة ..

    جزاك الله خيرا وربنا يهدينا جميعا ويرزقنا رحمه وطيبه في قلوبنا ويفهمنا ديننا صح …

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: