مين ده
مين
مين انا علشان اعرف حقيقة نفسي اسمي عبدالله صادق الشرقاوي
حاليا طالب في هندسة العاشر من رمضان HTI
طلبة كتير بيكرهوها و طلعوا اسامي كتير عليها
بس حقيقي انا بحب المعهد جدا
انا من الاخوان المسلمين
اسرتي كلها من الاخوان
بس انا مش من الاخوان بالوراثة
ابتديت كده و بعدين فهمت
ابوي معتقل حاليا و محول للمحاكمة العسكرية
بكره الظلم و الاستبداد و بحب العدل و الخير
بحب مصر قوي قوي قوي بجد
بس بكره الفساد اللي ماليها
و بكره الخوف و الجبن اللي مالينا
ما بحبش الكورة خالص
بحب بس ابوتريكة و حازم امام و المنتخب المصري
الوحيد اللي ممكن استحمل اتفرج على متشاته هو المنتخب
بكره الاهلي و الزمالك و ريال مدريد و كل الفرق
و يتنرفز لما اتنين يقعدوا يتخانقوا على ماتش هم الاتنين و لا عمرهم هيلعبوا زيه
بكره القهاوي و بتخنق من منظر الناس اللي قاعدين عليها
بحب خالد ابو شادي و الشيخ رضا و مهدي عاكف
بحب ابوخاطر و سامي يوسف و موسى مصطفى
بكره المتعصبين لاي فكرة اي كانت حتى لو كانوا متعصبين للاخوان
بحب السباحة في البسين و التمشية على البحر
بحب الجري الصبح بس مش بعمله كتير و بحب الكومبيوتر
بحب التصوير الثابت و الفيديو بحب المونتاج او video editing
بحب النت و بحب التكنلوجيا
بحب الاطفال جدا بحب الاعبهم و اعلمهم و اشوفهم بيكبروا (ده بجد مش علشان اتجوز)
بحترم و اقدر كل واحدة محجبة حجاب كويس او مختمرة او منتقبة و بدعيلهم ربنا يعينهم و يثبتهم
ما بكرهش اللي مش محجبات و احترم اختيارهم بس بيقى نفسي يفتحوا قلبهم و يسمعوا
بحب عمرو خالد و يوسف القرضاوي
ما بكرهش اليهود بس بكره الصهاينة
معنديش مشكلة اني اتعلم من الغرب طالما اني هستفيد
بس مش منبهر بالحضارة الغربية بالعكس كتير بحتقر فيها حاجات و بحترم فيها حاجات
محبش التعامل مع البنات بحساسية مفرطة كانهم مرض
و لا التعامل معاهم زي ما تعامل اصحابك
بحب الخيل جدا جدا
بحب احمد خالد توفيق و بكره نبيل فاروق
بحب افلام الكارتون بالذات فيلم مولان
و بحب القصص المصورة بالذات ميكي
بحب الملوخية و الكفتة و عبده تلوث
بحب تشارلز ديكنز
بحب رواية السقا مات و الروايات عموما
بس بكره روايات عبير و اللي زيها
بحب عصام العريان و بكره احمد موسى
بحب البيت قوي وبرضه بحب الخروج
و بكره المولات كلها
بحب كتابات الاستاذ الراشد و الظلال
بحب قوي قوي قوي الشيخ محمد حسين يعقوب
و الشيخ ابراهيم الدويش
بحب اسمع في القران ماهر المعيقلي و مشاري راشد و ياسر سلامة
بحب الضلمة و الليل و الهدوء
و نفسي ربنا يهديني
اغسطس 14, 2007 عند 4:19 م |
وانا بحبك جدا يا عبدالله وبحب افتكر ذكريات المعهد والجوالة واتمنى من ربنا انه يجمعنا في الجنة وربنا يوفقك
اغسطس 14, 2007 عند 4:36 م |
خلاص يا عم عماشة بقت ذكريات
يلا زمن
و انا كمان و الله يا عماشة بحبك
بس مش بحب الجوالة
انا بكرهها
الحاجة الحلوة الوحيدة كانت الصحبة اللي فيها بس
اغسطس 15, 2007 عند 4:18 م |
أنا بحبك في الله يا عبد الله
وكان نفسي أسمع منك الكلام ده قبل ما اشوفه على النت
مكنتش متخيل انك عاطفي للدرجة ديه
يا ريت تكون معانا وسطنا وسط حبايبك البني أدمين
مش تفضل على طول وسط حاجات حديد مش بتتكلم
عايزنك متنساش ………….ان مكانا مش هنا احنا مكانا ربنا كتبه وقدر لينا نسكنه بعد منعدي الاختبار الصعب
طبعا اكيد عرفته الجنة
http://ourvoice2007.blogspot.com/
اغسطس 16, 2007 عند 10:46 ص |
سيد العاطفي . قصدي عبده العاطفي
اغسطس 17, 2007 عند 10:57 م |
أول مرة أعرف عبد الله من جواه
أول مرة أشوفه بيتكلم عن نفسه كده
يمكن علشان مابتكلمش معاه كتير
بس بجد عبدالله طلع غير منا عارفه خالص
اغسطس 21, 2007 عند 11:42 ص |
ana ba3d ma 2aret elklam dah, ba2olak rbna yhdek we yhde el2khwan elmoflsen kolohom we yfok 2asr elwaled, ya 7abibi 3ala 2ayam elrasol makansh feh elklam dah!!!! bellah 3alekom fakkaro shwia
أكتوبر 10, 2007 عند 9:46 م |
كنت اتمنى من ابن الشرقاوى اللى بيحب البيت انه يكلم عن البيت .. الاسرة .العائلة… ازاى بيحوال بيغطى غياب الوالد.. اللهم فك اسى المسلمين فى السجون المصرية
اللهم ارفع البلاء عن عبادك المؤمين
اللهم توفنا مسلمين لك
اللهم امين
أكتوبر 11, 2007 عند 6:33 ص |
أنت شخصسة لذيذ عبد الله حقيقى بس
فيه مشكلة إنك شوية بتختفى و كتير ما بتسألش علي حبايبك
حقيقى بحبك و بحب ضحكتك إدعيلى كتير عبد الله
أكتوبر 14, 2007 عند 3:03 م |
i liked the way you introduced your self and i liked you also , i think we have some commom things , hope to see you isa
لان نائت بنا الاجساد فالارواح تتصل
أكتوبر 18, 2007 عند 10:33 ص |
مش عارفة أنا من حقي أعلق علي كلامك ولا لأ بس ربنا يبارك فيك ويكرمك ويهديك ويثبتك لأنك بجد بدون مجاملة شخصية وتركيبه نادر وجودها في حد في السن ده يكون تفكيرة ناضج بالشكل ده وجواه الحاجات الجميلة دي
ياريت تقبلني كأخت في الله وصديقة وقت الشدة لأنك من الشخصيات اللي يشرفني معرفتها والتعامل معاها لأنها أكيد هتضفلي الكتير في الدنيا والأخرة وربنا يعفوا عنا وعن المسلمين جميعا ويرحمنا ويثبتنا
أكتوبر 23, 2007 عند 10:18 ص |
ماشاء الله كلام جميل نابع عن صدق وعن تفهم ربنا يبارك لحضرتك في المدونة
أكتوبر 25, 2007 عند 5:15 ص |
اووووه تعبت بقه من tom cruise بجد بجد يا جدعان الواد عبد الله ده واد حليوه وشبة tom بس ما حدش يعرف الموضوع ده غيرييا عم خنقتنا ,,,,, فكنا بقه من الحوارات ديه .
يناير 24, 2008 عند 8:45 م |
السلام عليكم يا عبد الرحمن
انت ممكن مش فاكرني انا خالد طارق الشرقاوي ابن عم ابوك معلش يا حبيبي انا مسافر ومتابع اللي بيحصل واتمنى ربنا يفك اسر المظلومين كلهم
احب اتعرف عليك واحب صادق يطلع لنا بالسلامة بامر الله
المهم انك تعرف ان موضوع السجن والمحكمة دا مصدر استيائنا جميعا ربي يعلم ما في الصدور
اخوك خالد
مارس 7, 2008 عند 2:49 ص |
معلش المفروض تقول ما باحبش نبيل فاروق مش باكرهة لأن الراجل ما اعتقدش اذاك في حاجه أنا من الإخوان وباحبه جداً
أبريل 25, 2008 عند 1:04 م |
اتمنى تكون متذكرنى يا عبدالله والله انت من الناس اللى انا بحبهم جدا وكان نفسى اكون معاكم فى محنتكم ادم ليكم اى حاجة اى كلمة لكن ربنا شاء غير كده شد حيلك املنا فيك وفى اللى زيك كبير اوعى تشمت حسنى مبارك او سوزان او عاطف الحسينى فينا عايزنكم زى الشرقاوى دايما مهو انتم ولاده واكيد فى الحق زيه مش كده يا عبدالله
يونيو 2, 2008 عند 10:48 م |
للاسف يا اخ عبدالله هو يمكن من سوء حظى انى مش قبلت حد من الاخوان ويكون حد كويس بس انا فعلا اول مرة احس ان فى حد اخوانى متزن كدة فى تكيره ومش متعصب انا والله معنديش موقف معادى للاخوان كاشخاص ولكن يمكن كسياسة ممكن اتكلم بصراحة ولو فكرتى مش صح عندى استعداد اغيرها المعروف عن الاخوان وده مش رأى لوحدى ولكن رأى ناس كتير ان الاخوان بيعملوا اى حاجة عشان مصلحتهم وبس وانهم مجتمع مستقل بتحكمه قوانين ومعتقدات بتخصهم لوحدهم …صحيح انهم مضطهدين من جانب الحكومة وده مخلينى متعاطفة معاهم بس سياستهم مش مخليانى اقدر اشجعهم كمواطنة عادية مش تبع اى حزب ولا ليا اى توجهات سياسية كان نفسى كشعب تلاقى حزب سياسى دوره مفعل وبيتكلم عن لسنا ويكون فعلا ملوش مصالح شخصية او حسابات من تحت الترابيزة مع السلطة حتى لو كان “الاخوان “
يوليو 10, 2008 عند 9:13 م |
كل الي اقدر اقلهولك لما قرأت كلامك حاسيت ان الدنيا لاسة بخير ولا سة فيها شباب متدين وبيحب بلدة ربنا يبارك فيك و يرجعلك والدك بالسلامة
اغسطس 1, 2008 عند 11:40 ص |
مش لازم تبقى اخوان عشان تحس قد ايه الاخوان كويسين أنا والدى اخوان وانت عارفه كويس يا عبد الله وانا كنت مقتنعه انى عمرى ما هكون اخوان بس بجد لما لقيت عمو صادق اعتقل انا بجد حسيت ان قد ايه من غباء الحكومه انها تعتقل واحد زى عمو صادق انسان زى الملائكه فى كل حاجه تقريبا حتى وحهه منور و بجد انا من يومها قررت انى لازم اكون اخوان من قلبى مش بس عشان ارضى بابا والفضل فى راجع لعمو صادق من غير ما يعرف وليك انت كمان لانى لما كلامك بجد حسيت انت قد ايه انسان عظيم بس برضه عمرك ما هتكون زى عمو لا انت ولا الف زيك
اغسطس 5, 2008 عند 1:16 م |
نفسى عمو صادق يقرأ الكلام اللى انت كاتبه ده بجد هيكون فى أسعد أحواله هيحس ان هو مش قلقان على البيت طالما انت فيه
يناير 9, 2009 عند 11:55 ص |
من أنت
يوليو 24, 2009 عند 10:06 ص |
rabna heahdek begad anta washak kolo nor rbna ybarak lak
اغسطس 16, 2009 عند 7:31 م |
المهم دلوقت تشوف ايه الصح و الحلال و الواجب و تعمله و ما تقصرش فيه علي المستوي الشخصي و الاجتماعي و الدراسي و الديني اهم حاجة و ما تخليش اي حاجة شائعة تعمي بصيرتك حتي لو اقرب المقربين ليك مقتنعين بيها و تمنياتي لك بالتوفيق