عندما لا يريدك الله
By abdollah
ابقى نازل رايح مشوار اسعى في الخير
و بعدين يجيلي تعب مفاجئ يمنعني انزل
او الراجل اللي كنت رايح معاه كاوتش عربيته نام و عقبال ما غيرناه كان الوقت عدى
او عربيته عطلت و مش عايزة تدور
او في حادثة على الطريق موقفة السكة
او افهم ان المعاد الساعة 10 و يطلع انه كان الساعة 7
او انزل ما الاقيش مواصلات
او انام و اصحا بعد المعاد
او اي حاجة المهم منعتني اني الحق الخير اللي كنت رايح اعمله اي كان الخير ايه
ناس كتير بتقولي ان شاء تكون اخدت الاجر بالنية
و انا فعلا بدعي ربنا انه يكتبلي الاجر حتى لو لم اتم العمل غصبا عني
لكن في آية تشيب
ربنا بتكلم عن المنافقين قيقول
“الله عز و جل “ولكن كره الله انبعاثهم فثبطهم و قيل اقعدوا مع القاعدين
و رغم ان في ايات تانية كثيرة و احاديث تتحدث عن حب الله للعبد و فرحه عز و جل بالتوبة
لكن الاية دي بتخوف
و هكذا نطير الى الله بجناحي الخوف و الرجاء
فلا يغلب علينا الخوف حتى نيأس
و لا يغلب علينا الرجاء حتى نأمن مكر الله
يا رب لا تكره انبعاثي في الخير و لا تثبطني
و اعني على ذكرك و شكرك و حسن عبادتك
تم إدخال هذه البيانات في في أكتوبر 1, 2007 في 7:35 ص وهي متضمنة تحت خواطر. يمكنك متابعة الردود على هذه التدوينة من خلال الخلاصات 2.0
You can leave a response, or trackback from your own site.
أكتوبر 1, 2007 عند 11:55 م |
معاك حق يا عبدو
عندما لا يريدك الله
صعبة قوي
وبتحصل للواحد مع الذنوب
أكتوبر 10, 2007 عند 2:41 م |
أنا مبسوط جداً
لأنى كنت خايف أكون انا الوحيد اللى بيحصل معايا كده – لأ مش فرحان فيك أكيد – كل الموضوع إنى حاسيت انها مرحلة لازم توصل لها علشان …………… نوصل لنفس النتيجة اللى انت وصلتلها
هكذا نطير الى الله بجناحي الخوف و الرجاء
فلا يغلب علينا الخوف حتى نيأس
و لا يغلب علينا الرجاء حتى نأمن مكر الله
أكتوبر 15, 2007 عند 3:29 م |
[...] يريد الله ان يتوب عليكم كنت كتبت قبل كده عندما لا يريدك الله [...]