دي صورة لهديل بنت اختي و هي بتعيط علشان مسافرة و سيباني ………..انا بهزر كنت بغلس عليها بالكاميرا
ايه اللي حصل
صحيت بعد فرح سمية اختي الصغيرة
لقيت نفسي لوحدي في البيت
انا عندي اخين ولاد 3 اخوات بنات و سمية كانت الاخيرة
انا عارف انها سنة الحياة ان الناس تتجوز و تسيب اهلها
بس حقيقي الموضوع كان صعب علي
اختي العروسة سافرت لشهر العسل و التانية جوزها بيشتغل برة مصر تنفيذا لكلام عمو خيرت فرجعتله
و التالتة راحت مصيف طبعا علشان تشارك في حملة مش هنصيف
و انا قعدت اغني
طلعت السطوح هز الهوا كمي ……..كل اخواتي اتجوزا و فضلت انا لامي
ابوي في المعتقل اخواتي البنات اتجوزوا و انا حاسس ان البيت فضي علي قوي
هو انا ناقص
مش عايزهم يرجعوا البيت بس على الاقل يقعدوا في مصر
ازورهم و يزورونا و العب مع اولادهم
انا براحتي صحيح
بس مش عايز ابقى براحتي قوي كده في البيت
اغسطس 13, 2007 عند 1:35 م |
ربنا معاك و يصبرك يا بشمهندس عبدالله و عقبال مانشوفك كدا عريس قد الدنيا و مش فاضلنا
اغسطس 13, 2007 عند 3:45 م |
يا عم واحنا فين يعني انت نسيت اصحابك وحبيايبك البيحبوك وبتحبهم
لما تحب تزور حد من اقرايبك
تعالى زرنا وخلينا نشوفك
http://ourvoice2007.blogspot.com/